طفيل Hymenolepis انواعها ، طرق الاصابه ، دوره حياتها ، تشخيصها

طفيل Hymenolepis

💐 للــ د / رؤى ميرغني 💐

💐د/ كليب أبوحاجب 💐

اهم نوعين عندنا

Hymenolepis.nana

Hymenolepis.diminuta

1⃣

Hymenolepis nana

نانا هي تعتبر اصغر دودة شريطية ممكن تصيب الانسان ،، طولا م بفوت ٣ او ٥ سم،، بسموها الدودة القزمة dwarf tape worm

منتشرة عالميا

بنسمي المرض Hymenolepiasis

بنلقاها اكتر في الأطفال

معظم الاصابات بتكون Asymptomatic
بس كلما كان الاصابة heavy بتحصل ال diarrhoea

بتسسب

diarrhoea+vertiga +abdominal discomfort+ anorexia…

________________

Life cycle of H.nana:

بتنتقل بال

contamination of food or water..

الانسان بلع ال Egg
حصل ليو هاااتش في الdudenum وطلع منو *Oncosphere* عن طريق الmucosa يمش الvilli ويتحول ل *Cysticercoid larvae*
تمام ..
بعد ٦ يوم تنفصل منها وتمش للتجويف وتاني تدخل لvilli تانية تلتصق فيها وتتحول ل *Adult*

بعد فترة الadult ببدا ينتج الegg
وحيطلع ف الاستول.

Note: egg is immediately infective when passed..

طيب في نقطة محتاجة تركيز

____________

طريقة اللايف سايكل الشرحناها دي الطريقة العامة ،، هي direct life.c

نشوف كل الطرق

There are 3 modes of infection:-

A/ Direct life cycle:-

دي بتم بطريقتين

1/Human to human oral-anal infection:-👤➡👥

( الegg بطلع ف استول المريض بعداك يعادي زول تاني حيصاب بالكونتامنيشن من الاستول 🔀،،،،،
او في موود تاني( المريض زاتو يعادي نفسو بال faecal hand mouth خصوصا في الاطفال تكون اليد مكنتمة بالاستول ويدخلها في فمو،، والموود دا بنسميو”External auto infection” 🔃..)

2/ Internal auto infection:-👤↔

الكلام دا جوا الجسم ،، جزو من الegg بدل يطلع ف الاستول يحصل ليو هاتش جوا الامعاء وينمو تاااني ل adult وتبدا اصابة جديدة ودي خطرة لانو عدد الديدان بتكون اكتر والاصابة اشد.
_______________________

B/ Indirect life cycle:-

👤➡🦐➡👤

دي فكرتها انو يكون في intermediate host مثلا الfleas البراغيث اوgrain beetleالخنافس..الخ

البراغيث مثلا ممكن تجي لاستول زول مريض ياخدو الegg جواهم يحولوهو ل larvae والزول لو بلع البراغيث او الخنافس دي بشيل ال لارفا في معدتو بتتحول ل *adult* ينتج الegg وكدا يكون مصاب.

Note:

H.nana does not need intermediate host..

(يعني دورة حياتا بتتم عادي بالطريقة الdirect ..ما شرط وجود عائل وسيط
عكس الH.diminuta
حنعرف انها لازم بالحشرات او البراغيث تنتقل)

2⃣

نتكلم عن ال

Hymenolepis diminuta

H.diminuta

دي اخت النانا يعني من نفس عائلتا ..

بتصيب الrat اكتر لكن ممكن تصيب الانسان(accidentally)

بنسميها rat tapeworm

_____________

most infections are asymptomatic

احياانا ممكن تعمل

nausea,, anorexia,, diarrhoea

كيف بتحصل الاصابة ؟؟

life cycle is indirect …

👤➡fleas🦐➡👥

الانسان او الفأر بيصاب accidentally اذا ابتلع (برغوث rat fleas يحمل اللارفا)

يعني بياخد اللارفا جاهزة (ما زي النانا كان الزول ببلع الegg اول بعداك جواهو بتحول ل لارفا)

يلا في الdiminuta مجرد اخد طور اللارفا ( cysticercoid ) بتتحول جواهو ل *Adult* وينتج *Egg* يطلع ف الاستول..

البرغوث دورو انو حيجي ياخد الegg من استول المريض ويحولو جواهو ل لارفا

بعداك اذا زول تاني او rat اخد البرغوث حيتعادي ،، وهكذا ..

___________

اذنننن الdiminuta لازم وجود intermediate host في الlife cycle
،، ما زي النانا قلنا م شرط..

_________________

يعني الفرق انو الinfective stage

in H. nana > egg

in H. diminuta > cysticercoid larva

Diagnosis of H.diminuta :-

By finding egg in stool.

زي النانا بنعمل ويت بريبريشن عادي ونشوفا ب🔬

وممكن يعملو ليهم استين
وممكن يشتغلوهم بالكونسنتريشن تكنيك formal ether ..

كييف نفررق بيين الH.nana والH.diminuta

Difference in egg:-

H.nana:-

حجمها لحد 40 او 60m.
عديمة اللون colourless او على رمادي وشفافة.
من جوا عندها polar filaments ٤–٨ خيوط.

H.diminuta:-

حجمها اكبر من نانا ,لحد 60 او 70.
لونا اصفر على بني.
ما بتحتوي علي خيوط من جوا.

____________________

Difference in adult:-

H.nana:-
طولا ١—٥ سم ولها رقبة طويلة
الروستيلم ف الراس ممتد لبرا وفيو hooks
عندا ١٠٠—٢٠٠ قطعة

H.diminuta:-

اطول من نانا10 — 50 س
الروستيلم في الراس منغمد لجوا ومافيو hooks
عندا ٨٠٠—- ١٠٠٠ قطعةانتهينا من الHymenolepis بنوعيها H.nana و H.diminuta

_________ _____